山止川行 (已結業)

餐廳裝修雅致，坐得舒適，食物有辣有唔辣，味道相當不錯，值得帶埋屋企人去試試。✨西湖牛肉羹 $68推薦！超級足料！大大碗！入口先係芫莤香氣，再有濃濃肉香，每一啖都食到肉碎😋 飽肚感較重，但幸福🤤✨椰子雞湯 $68一個字，鮮！有椰子肉、雞肉、豬肉等等嘅食材，清甜又舒服。✨椒鹽四季豆 $108推薦！一上枱香氣撲鼻，一層椒鹽包裹著四季豆，香脆口感，同時保持到蔬菜嘅水份，亦唔會過分鹹。✨川味回鍋肉 $138極少食回鍋肉，第一口竟然覺得似XO醬炒腸粉，幾惹味，油香滿滿，送飯一流，朋友身體最誠實，直接清左大半碟。✨黃金香辣蝦球 $268 類似黃金蝦，食落似魷魚，夠咸香，較濃味。✨紅糖流心糍粑 $58熱辣辣，口感軟糯，食落係黑糖流心，唔會過甜。黑糖唔係淋面，而係變左流心，欣賞。