影片
更多
2020-03-28
339 瀏覽
本身我朋友捉我入去呢間食酸菜魚嘅餐廳，我心諗我未必啱食喎，但好彩望吓餐廳個餐牌，除咗酸菜魚之外，其實都有其他選擇。而且未必每一樣食物都係辣嘅，就算酸菜魚都可以揀或者唔辣，任君選擇！我哋未點食物之前，每個人已經有一碟前菜，食落應該係蘿蔔淹漬，都唔錯喎！可以開一開胃。不過今日冇叫招牌，反而叫左川式口水雞($68)，口水雞雖然係辣，但係嗰種辣係深入晒啲雞入面，令到啲雞件好入味，就算辣都辣得好過癮！估唔到$68嘅口水雞份量其實都唔少，每人都食到幾件，唔係小食嘅size。第二樣我哋叫嘅餸係鮮魚湯浸豆苗($48)，因為食咗一樣肉，就叫返一碟菜，而且一碟辣，一碟唔辣，平衡返嘛。個魚湯真係幾鮮甜喎，夠晒味唔會話淡，而且豆苗唔係周圍都有得食，豆苗特別嫩，特別正。最後我哋一樣飲咗一杯豆漿($8)，依餐計計埋埋兩個人都唔使$150，超值囉！雖然食物選擇唔算多，但起碼都唔算係獨孤一味得辣野食。
本身我朋友捉我入去呢間食酸菜魚嘅餐廳，我心諗我未必啱食喎，但好彩望吓餐廳個餐牌，除咗酸菜魚之外，其實都有其他選擇。而且未必每一樣食物都係辣嘅，就算酸菜魚都可以揀或者唔辣，任君選擇！
我哋未點食物之前，每個人已經有一碟前菜，食落應該係蘿蔔淹漬，都唔錯喎！可以開一開胃。
不過今日冇叫招牌，反而叫左川式口水雞($68)，口水雞雖然係辣，但係嗰種辣係深入晒啲雞入面，令到啲雞件好入味，就算辣都辣得好過癮！估唔到$68嘅口水雞份量其實都唔少，每人都食到幾件，唔係小食嘅size。
第二樣我哋叫嘅餸係鮮魚湯浸豆苗($48)，因為食咗一樣肉，就叫返一碟菜，而且一碟辣，一碟唔辣，平衡返嘛。個魚湯真係幾鮮甜喎，夠晒味唔會話淡，而且豆苗唔係周圍都有得食，豆苗特別嫩，特別正。
最後我哋一樣飲咗一杯豆漿($8)，依餐計計埋埋兩個人都唔使$150，超值囉！雖然食物選擇唔算多，但起碼都唔算係獨孤一味得辣野食。
張貼
