冬蔭公公 (已結業)

個人唔中意食辣野，不過都揀左呢間。佢啲野食感覺幾似譚仔咁，又係揀料揀辣嘅程度咁，聽講唔辣唔好食就揀左薄切牛肉麵嘅少辣。上菜速度小慢，不過啲牛又真係幾薄幾入味，加埋蘿蔔又係幾有味。少辣其實都幾辣，不過又真係辣得幾好味嘅，好快食晒成碗。另外我都叫左個野飲，叫做柑桔蜜，個人幾中意，少少甜不過都幾好入口，幾岩食完辣之後飲，大家不妨一試啦！