WOFT (已結業)

香港本地特色野食其實唔少, 但可惜上得檔次的港式本土野食就少見D. 不過旺角呢間Bar and Restaurant WOFT 就真係有唔少驚喜. 佢裝修係工業風的型格酒吧, 半開放式感覺好Soho 好Relax, 食物卻唔淨止係一般美式Burger, 排, 薯條, 而係將港式同埋西式Fusion 出黎的新菜式.今日抱住一試無妨的心態試咗呢款 "白汁蜆肉磨菇狗仔粉", 狗仔粉本身係香港地道小食, 呢間餐廳大廚用西式做法配白汁做咗呢味狗仔粉, 估唔到又幾新鮮幾好味. 白汁本身夠Rich, 而狗仔粉本身口感軟腍煙韌, 配埋一齊食口感好好, 感覺好豐富, 而蜆肉就增加咗本身狗氣粉個鮮味. 成個菜式無味道同口感都好Balance, 有心思有創意的食品, 值得比個like 佢.飲品方面, 我叫咗杯Mocktail, 叫"LOL Mango" - 熱情果, 芒果加Lime. 飲落好清新好Fresh, 咁(口岩)配呢款狗仔粉又係Rich 類別, 所以好啱口味. 而且賣相都好好, 超鍾意!