大渣哥茶記 (已結業)

上午十點零條隊十幾人左右 排左未夠十分鐘就入到座 環境幾舒服 夠空間 唔會迫嘅感覺 不過d餐牌同調味料唔係張張枱有 有d唔方便 唔知係咪因為本身我係四人枱拆開左二人枱 所以一張枱有一張枱冇早餐都算多選擇 我就試最基本嘅火腿通 因為想試吓佢個湯 好杰 好夠味 火腿唔係淋火腿 而且量都多 朋友叫沙嗲牛 都好好味 牛肉有咬口 不是勁淋嗰d 但個沙嗲汁就唔算話最出色奶茶茶味都夠 朱古力就有d甜 下次想試谷咕 件多士燶左少少 但酥皮幾新鮮嘅感覺 不過個人認為多士都有得揀丹麥多士同普通厚多士就好 炒蛋都夠滑冇一陣奶味 我鍾意