浦井韓食居酒屋 (已結業)

同honey好中意食韓燒！琴晚係尖沙咀買完野就去左宜間食韓燒！烤肉有套餐又可以單點...我地就叫左個牧場烤，份量幾足，兩個人食岩岩好！職員先幫我地加爐邊蛋，一邊加左泡菜，一款淨蛋。牧場烤套餐有小牛排、肉眼、半隻春雞、豬仔肶、豬腩肉，岩哂中意食肉既我地呀！除左肉肉肉...仲有不同既蔬菜做配菜。雖然食好多肉，食番d菜罪惡感冇咁重！肉眼軟腍又嫩滑，極想再encore呀！將燒好既肉用生菜包著食，感覺冇咁飽膩！基本上啲肉餣得好入味，唔洗再點醬油已經好好味！芝士蛋醬鐡窩飯熱辣辣香噴噴，未食已經流哂口水！最鐘意既芝士拉絲又出現了、入口除左有芝士味，仲多左陣蛋香，加上辣辣的泡菜飯，超級惹味！冰涼既白桃&芒果沙冰甜度適中，幾fresh!