小豆町日本料理

營業中

休息中

今日去左新開無耐既小豆町日本料理試下。藍地輕鐵站行過去10mins，經過藍地大街，系豫豐花園附近。店員系門口好nice甘推介，話d食材都系每日系外地新鮮過來的。大家都想食日本野所以一於去試下。雜錦魚生飯呢個極力推薦！d魚生包括有三文魚，牡丹蝦，帶子...。d帶子入口即溶，d魚類刺身唔腥，咬落去唔痴呀，好爽口好新鮮。呢個價錢有呢個份量和質素，good~~!三文魚手捲三文魚新鮮已經系成功的一大步，個飯米和醋的比例調配得剛好。海鮮鍋個海鮮湯底系鮮甜。材料有青口，大蝦，蠔，帶子，配料有豆腐，大白菜，昆布，紅蘿蔔等。海鮮的新鮮度及鮮甜度比雜錦魚生飯稍為遜色。青口和蠔雖然煮得唔太老，但新鮮度一般，而大蝦就依然保持到水準，爽口彈牙。壽司方面，點了一客三文魚和花之戀。三文魚油脂和肉既比例切得剛剛好，真系好考師傅既刀工架，入口即溶，超級正！花之戀，沙律醬+蟹子+三文魚系絕配！每次一人食一個都會感覺好滿足～～整體上，食物質素新鮮～～刺身類比海鮮鮮味，環境舒適，waiteress 友善好主動添水，坐耐d聚下都無有怕。