幸運燒鵝冰室

營業中

休息中

難得有一間非常有誠意嘅茶餐廳喺屋企附近就是幸福。雪菜肉絲米係用新鮮雪菜，啲肉絲都冇乜肥膏，所以食嘅時候味道特別好。板煎豬扒麵改可以改做通心粉，件豬扒真係超級巨型，而且難得煎得好香件豬扒嘅質素都係比一般嘅好，有咬口兼無乜肥膏。煎雙蛋少少脆邊，蛋嘅中間位置煎至微燶，雞蛋味都紀錄，幾好食。件多士都真係夠乾夠脆，微微燶，d牛油溶溶地，唔係求其喺扒爐煎兩下就算。飲品正正常常咁啦，杯凍奶茶叫咗少甜又真係少甜喎。