原點 (已結業)

趁秋季到元朗郊外走走，跟朋友來到大馬路附近搵下元朗區小店，經過 “Here”，記得好耐之前食過唔錯，所以介紹埋朋友就入去食。 小店位置方便，近大水渠附近，而且座位也多，發現小店有提供boardgame給客人玩樂，值得一讚。除了港式和西式甜品，也有蛋糕和小食提供，選擇夠多也滿足了我和朋友的不同選擇要求，最後點了一份仙草芋圓和一份心太軟，跟印象中保持質素，值得Encore ! =百利甜酒朱古力心太軟配水果 $55=除了心太軟，也有水果和跟咖啡味雪糕1球，十分豐富。由百利甜酒特製的心太軟，食落唔會甜，朱古力濃度高，另外流心的朱古力漿散發輕微的甜酒味，而甜酒味會一直停留口邊，因此吃一口咖啡味雪糕是絕配！咖啡味重，冰凍的口感跟甜酒味中和返，最後食埋水果，有芒果粒、火龍果粒和香蕉粒，口感立即清新一番。 =楊枝金露燒仙草 $42=材料豐富，有芒果粒、荔枝椰果、仙草和三色芋圓。楊枝金露的糖水底做得不錯，唔會太甜或太淡，而且芒果肉大粒，芋圓口感幾彈牙唔會一團粉，仙草和椰果增加煙韌口感，整體水準不錯，特別係運動完食，即時補充足夠水份。