三川居酒屋 (已結業)

個心成日就係日本野到..有日好想食好多刺身..最後黎左係銅鑼灣既呢間居酒屋食野.2人份既刺身盛(九點盛)好多野食!!除左牡丹蝦同生蠔係指定既,仲會有5款刺身同2款貝類.每一款都好新鮮而且係無可能係佢地身上搵到腥味!!我同友人一樣都係覺得佢既牡丹蝦係好出色.其次我就較為鍾意佢既貝類.好爽口彈牙除左刺身我地仲叫左份明太子焗蠔肉磨菇批同幾串串燒. 食完個刺身同磨菇批之後其實已經有8成飽..估唔到佢既刺身都幾飽下磨菇批既蠔處理得好好,就好似係平時去蠔吧食既焗蠔咁.個醬好濃好惹味.三樣野係好夾味.難怪每台都叫咁濟串燒其實都幾出色,特別係個煙肉露荀燒同雞軟骨!為呢一餐做左個好好既總結