十兄弟車仔麵 (已結業)

呢度嘅車仔麵配菜好多選擇，而有時無乜idea想食乜時，佢配搭好嘅八寶麵同嗱喳麵都幾抵食，有驚喜有創意。加埋辣菜脯一齊食，好開胃，唔覺唔覺就食晒成碗麵。最鍾意食佢個玻璃魷魚，一試驚人，再試失魂！秘製香辣汁玻璃魷魚，辣汁麻香帶勁配埋魷魚蘇啲爽身口感有咬勁，D香辣鮮味真係一秒上腦！所以佢可以一碟咁叫，係有原因㗎！！！👍🏻👍🏻😬😝炸墨魚丸都好生鮮，炸到上碟一滴油都無，無油益味，個皮脆卜卜，墨丸勁彈牙，落足料，食到有墨魚粒粒，鮮味十足🤤🤤🤤總結而言，選擇夠多，油麵都係必食啦，見餐牌話係鮮製，其實我都為咗食油麵先想食車仔麵，香港特色黎啊嘛！