鐘意食牛既我叫了一個牛三寶撈麵，貪可以一次過試哂牛筋、牛腩同牛肚, 雙拼再加鮮蝦韮菜餃
加凍既柑桔🍊話梅蜜我好鐘意啲牛筋呀
超正超淋超級好味
牛腩都唔錯呀，炆得好入味，唔鞋口
牛肚都好爽口
鮮蝦韮菜餃有好豐富的韮菜，韮菜味濃郁
幼麵一啲鹼水味都無，值得一讚！
朋友叫咗墨魚丸雙拼鮮蝦雲吞米線🍜加凍既蜂蜜生薑茶
墨魚丸好彈牙
鮮蝦雲吞有好大隻既蝦，又有豬肉，蝦肉和豬肉的份量均匀，好味最後，我比較鐘意呢間分店因為有自助斟水部🤣🤣 較方便食客使用！
用樂園魚蛋麵做晚餐都唔錯，感覺無咁肥膩又唔洗食咁多飯落肚！簡單方便唔貴既一餐！ 我真心推介！
