影片
更多
2009-12-19
18 瀏覽
(有相)好唔好食 311 回: (情侶Kiss 20秒送一碟愛情牛)淡淡然,吃啖肉@銅鑼灣和幸http://hk.myblog.yahoo.com/goodboy_philip/article?mid=39212以前都幾鍾意食日式燒肉料理, 現今情迷壽司多年, 相信直到 C 一日, 壽司都係我最鍾意既野食! 今晚路經銅鑼灣間間食店都爆, 經過和幸唔知係幸運定不幸? 問一問要等幾耐, 等十分鐘, 行個圈就有位。 好唔好食? 又睇落去? 和幸呢個名, 腦入面都係記左東京食吉列野食既食店...當年第一次食, 真係覺得好好食呀! 講番呢間食燒肉既和幸先!店內似日本既魚市場, 牆上仲有好多相! 咩相? 成堆食客既 "kiss 相" 係 gimmick 野, 店內推廣情侶客人 kiss20 秒比佢地影一張寶麗萊可以換一碟愛情牛 woh! 如果你同你男/女朋友去, 你會唔會試呢? 地址: 銅鑼灣謝斐道496號金利文廣場3樓 野菜沙津: 蕃茄仔, 西生菜, 蟹子。和牛刺身: 老老實實, 0係香港食和牛, 好難相信食店所講既 A 幾多級? 呢塊和牛薄切, RAW 得黎肉味唔算濃, 亦無期望有溶0係口既情
http://hk.myblog.yahoo.com/goodboy_philip/article?mid=39212
以前都幾鍾意食日式燒肉料理, 現今情迷壽司多年, 相信直到 C 一日, 壽司都係我最鍾意既野食! 今晚路經銅鑼灣間間食店都爆, 經過和幸唔知係幸運定不幸? 問一問要等幾耐, 等十分鐘, 行個圈就有位。 好唔好食? 又睇落去?
和幸呢個名, 腦入面都係記左東京食吉列野食既食店...當年第一次食, 真係覺得好好食呀! 講番呢間食燒肉既和幸先!
店內似日本既魚市場, 牆上仲有好多相! 咩相? 成堆食客既 "kiss 相" 係 gimmick 野, 店內推廣情侶客人 kiss20 秒比佢地影一張寶麗萊可以換一碟愛情牛 woh! 如果你同你男/女朋友去, 你會唔會試呢?
地址: 銅鑼灣謝斐道496號金利文廣場3樓
野菜沙津: 蕃茄仔, 西生菜, 蟹子。
和牛刺身: 老老實實, 0係香港食和牛, 好難相信食店所講既 A 幾多級? 呢塊和牛薄切, RAW 得黎肉味唔算濃, 亦無期望有溶0係口既情況出現, 再睇睇刺身上花紋...食落平平無奇! 咁點解會拎呢幅黎做 "COVER"? 因為刺身擺得似座山, 靚靚地咁解!
清酒牛油帆立貝: 我覺得呢味係最好食, 燒至奶白色, 離遠聞到強烈牛油味, 食落帆立貝吸左清酒既味道, 好食!
鹽燒花竹蝦: 成隻虎蝦咁大隻, 燒熟左勁多羔, 鍾意食羔一定好興奮!
赤豚蕃茄卷: 穩鎮野, 薄薄豚肉包住蕃茄仔。
地台式抽風所以燒烤味唔太強烈。
燒熟左既赤豚蕃茄卷, 我嗜肥, 所以都鍾意食!
薄燒上等牛舌: 薄切快燒兩面, 一咬落去好爽口!
特選但馬和牛: 味道關鍵在於秘製醃汁, 牛肉肉質亦很鬆軟, 肉味則滿足唔到我呢個濃牛味怪。不過食和牛係咁架喇...
野菜盛合: 燒到最後, 飲啖 SAPPORO, 爽! 不過我真係好弱...飲少少到唔掂...會...好...眼...訓...任...人...如...肉...你想點就點...
牛乳奶涷: 牛奶味, 滑, 可以更滑! 加甜更好啊!
環境: 3.5 (魚市場佈置, 幾有日本地道風味!)
衛生: 3
服務: 3.5 (侍應出奇地有禮貌)
味道: 2.5
價錢: 2.5
最終評分: 2.5 如果只有和幸同桐燒, 我會揀桐燒。其實日式燒肉我食得唔多, 亦唔太喜歡...
和幸,日本燒肉,日本燒烤,日本料理,燒肉,和牛,日本,東京,好孩子
張貼
