太子沢 (已結業)

太子新開拉麵店，有成六七款拉麵選擇，仲有10幾款小食，完全吸引到我呢個拉麵愛好者！首先講吓呢一碗櫻沢麵，自己轉左腐皮卷，通常拉麵店都係提供叉燒，呢一度有得轉腐皮卷，就梗係要試吓。佢嘅湯底係麵豉豬骨湯，飲落去唔算好咸，反而有淡淡的櫻花蝦味。拉麵軟硬適中，口感唔錯，而且仲有糖心蛋，烹調時間非常好，做到流心嘅程度。小食方面就點左佢哋嘅餃子，餃子餡料夠，面皮唔會過厚，上面亦都有啲木魚碎，小食加飲品可以減$15，所以就點左佢哋嘅白葡萄信州木村汽水，超級好飲！