最掂燒味 (已結業)

平時行開深水埗都知附近係食店雲集, 但係好少去到長沙灣, 今日同朋友經開元洲邨又咁啱餓餓地, 開個apps見到呢間唔少好評, 就一於試下。店內裝橫唔錯, 食店有時坐得舒服其實都同樣加分, 只係店面唔大, 位亦唔多, 繁忙時間應該要排隊; 燒味個人最好食叉燒, 二話不說即刻叫個叉燒飯試下, 另外叫咗碟熏蹄同一支豆漿, 比起酒樓食俯嘅燒味嚟講價錢唔算貴, 貴過燒味檔外賣少少。個人偏好肥叉燒, 呢度嘅叉燒對我而言瘦咗d, 或者下次應該落單前要求, 整體嚟講叉燒飯唔錯, 值得一提嘅係佢嘅酸菜, 我最最最憎食到用好稀嘅醋醃嘅酸菜, 呢度嘅酸菜真係令到餐飯更加開胃, 最後我仲向店員要多少少 熏蹄一食落就知冇叫錯, 口感清爽, 咸味適中, 而且夠濕潤唔會好似燒味檔嗰d咁乾爭爭, 正!豆漿標榜自家製, 飲落唔算好甜, 有豆味, 唔錯燒味呢樣嘢其實四周圍食嚟食去都係嗰幾款, 但係經開附近或者住附近, 又突然燒味癮發作嘅話, 呢度的確係用心經營, 值得一試