影片
更多
2022-10-29
41 瀏覽
誰說旺角沒有高級又高質的西餐廳？係網上見到0️⃣負評，由於之前有經驗即使係0️⃣負評餐廳都有少少伏的緣故，所以今次都不抱高期望去試，深知期望越大失望越大🤨正可能因為呢個緣故，反而非常驚喜🥹而家餐廳午市做緊85折，晚市9折，可whatsapp 或致電餐廳訂座😊==========一行2人去到位於鬧市彌敦道蔟新的一座大廈「金鑽壐」1樓，出𨋢後店員（後得知為餐廳負責人）已經好有禮貌地招呼我☺️餐廳環境舒適，座位寬敞，簡約裝修不浮誇，符合高級西餐廳的格局，有酒精類🥂提供坐低前見到餐桌上的擺設同餐具的擺放，已見到餐廳的用心隔板用上白色磨砂面，夠私隱度🫰🏻水杯用上淺海藍色，令水呈現類似海水的顏色💙餐具處理得好，衛生之餘亦像沒有使用用過的痕跡❤️餐牌簡單易明，看得出有用心設計過午餐價錢$98-$138不等，每個set 均可選2個前菜（包括餐湯🫕，沙律🥗，小食），再配飲品🍹加$28可轉smoothie, 平日唔飲凍野的我都破例揀smoothie, 因為夠健康😆點餐時店員非常細心地問我同朋友邊一位先點，看得出佢地服務的用心🥰其實睇餐廳格局同服務，即使未上菜已經感覺店員應該係高級酒店服務過，之後同店員傾偈就確實佢地都
係網上見到0️⃣負評，由於之前有經驗即使係0️⃣負評餐廳都有少少伏的緣故，所以今次都不抱高期望去試，深知期望越大失望越大🤨
正可能因為呢個緣故，反而非常驚喜🥹
而家餐廳午市做緊85折，晚市9折，可whatsapp 或致電餐廳訂座😊
==========
一行2人去到位於鬧市彌敦道蔟新的一座大廈「金鑽壐」1樓，出𨋢後店員（後得知為餐廳負責人）已經好有禮貌地招呼我☺️
餐廳環境舒適，座位寬敞，簡約裝修不浮誇，符合高級西餐廳的格局，有酒精類🥂提供
坐低前見到餐桌上的擺設同餐具的擺放，已見到餐廳的用心
隔板用上白色磨砂面，夠私隱度🫰🏻
水杯用上淺海藍色，令水呈現類似海水的顏色💙
餐具處理得好，衛生之餘亦像沒有使用用過的痕跡❤️
餐牌簡單易明，看得出有用心設計過
午餐價錢$98-$138不等，每個set 均可選2個前菜（包括餐湯🫕，沙律🥗，小食），再配飲品🍹
加$28可轉smoothie, 平日唔飲凍野的我都破例揀smoothie, 因為夠健康😆
點餐時店員非常細心地問我同朋友邊一位先點，看得出佢地服務的用心🥰
其實睇餐廳格局同服務，即使未上菜已經感覺店員應該係高級酒店服務過，之後同店員傾偈就確實佢地都係幾間高級酒店做過🫶🏻
==========
🔹香煎奇津貴妃豬配時令蔬菜 $138
用上厚切豬梅頭扒，估計有接近12安士
用🍴切的時候已感覺到豬的嫩滑，非常容易就將肉切開
用上Cajun 香料加bbq 醬去煮成，醬汁微甜加微酸容易入口，同時又不搶去豬肉的香味👍🏻
豬肉以微鹽醃製過再經過慢煮，入口油脂感極豐富，由於脂肪比例高，所以質地偏腍不算有咬口，個人口感會偏向較有口感的肉😛
配菜用上法邊豆，椰菜花同薯仔🥔
全部配菜皆有適量調味，並非白烚🙂
第一次食法邊豆，感覺新鮮爽脆
薯仔連皮煎，微燶的薯仔皮好香口，薯仔味也極重🫰🏻
推介指數：9/10
==========
🔹Y Dining 叉燒漢堡包🍔 $138
創新的嘗試，融合了中式叉燒與西式漢堡🍔
漢堡份量十足，墊底有生菜🥬，番茄🍅，非常新鮮
叉燒估計足8安士，選用豬肉並非傳統港式叉燒的豬梅頭，係用bbq 醬醃製成的豬扒，加上表層為增加焦香感所以於塗上麥芽糖後用火槍微微去燒（用火槍燒係店員告知我的🤭）
由於唔係選用梅頭肉，叉燒脂肪部份不多，因此食落會有輕微可接受的乾，脂肪少肉質冇咁嫩滑是取捨吧😝
叉燒上層係煎蛋🍳（用上🇯🇵🥚），蛋邊帶微燶焦脆感，蛋黃半熟極香濃😋
漢堡包表層烘得非常香脆，內裡質地鬆軟綿密，配上辣味醬汁，同麵包非常夾得黎，係令我好想再食的麵包🥹
配菜薯角🥔炸得恰到好處，薯味重又脆口
推介指數：9/10
==========
🔹番茄莫札瑞拉芝士沙律
用上紅❤️同黃💛車厘茄，加上3粒球狀莫札瑞拉芝士同沙律菜，份量以前菜黎講算幾多
車厘茄同沙律菜非常新鮮，配搭意大利黑醋汁好開胃😇
第一次食莫札瑞拉芝士，感覺芝士味淡淡的，芝士好滑身creamy
推介指數：10/10
🔹精選餐湯（南瓜忌廉湯）🫕
南瓜味突出，加上適量的忌廉，湯飲落好滑👍🏻
但個人會喜歡更黏稠的口感
推介指數：8/10
==========
🔹蟹肉忌廉薯餅（配上沙律醬）
有大量沙律菜墊底❤️
外脆內軟的口感，表面乾身不帶油
炸的時間恰到好處，迫油功夫做得非常好👍🏻
蟹肉打碎再同忌廉芝士撈勻，餡料飽滿，口感極滑身creamy, 吃到淡淡的蟹肉🦀味道
推介指數：9.5/10
==========
🔹豆腐魚餅（配上沙律醬）
有大量沙律菜墊底❤️
同蟹肉薯餅一樣，炸得夠乾身
混合紅蘿蔔絲同木耳絲，口感嫩滑，食到豆腐的口感🫰🏻
魚味突出不帶腥，同豆腐完美結合✌🏻
推介指數：9.5/10
==========
🔹Avocado🥑& Matcha🍵Smoothie (跟餐+$28)
連smoothie 都要揀牛油果🥑😆
睇到店員即場打smoothie, 好新鮮
份量十足，超良心🥹 估計有400ml以上
飲落非常驚喜，係越飲越好味🤭
抹茶🍵味極濃帶點回甘，飲得出用上優質🍵粉，而且好足料
牛油果🥑本身味道唔重，淡淡的果香配合抹茶，甜度適中，真係好好飲🫶🏻
而且冰打得夠碎，又唔會溝太多水，稀稠程度調較得好😉
推介指數：10/10
==========
🔹Blueberry & Strawberry Smoothie (跟餐+$28)
朋友的，我試左一啖👻
飲到淡淡的藍莓同草莓味道，甜度與稀稠度同樣調較得好👏🏻
==========
🔹Tiramisu (每2位惠顧滿$300以折扣前計，免費送）
用上最原始的做法，即叫即製
以手指餅浸落加入冧酒的咖啡，表層為mascarpone cheese 加上可可粉
送上後要盡快食
有別於外面餐廳的tiramisu 一早整定，然後放入雪櫃，到客人要先拎出黎
手指餅浸上冧酒咖啡，酒同咖啡味道皆極香濃
cheese 份量多，口感細滑，甜度適中
即使係送的也非常用心🫶🏻
好味指數：10/10
==========
用餐時跟用餐後都同店員傾左好耐偈，店員非常耐心同悉心去分享佢地的食材，菜式，經營模式，餐廳設計，理念，方向，行業趨勢等，睇得到佢地係做得非常用心❤️
店員話同區競爭太大，要諗點樣令客人揀佢地同做到突圍而出係要花心思，所以佢地會有好多創新菜式👏🏻
午餐會比較casual, 晚餐就非常用心去serve 客，會每檯客去講解，真正做到Fine Dining, 所以已經決定生日會訂呢度食🫰🏻
以午餐價錢佢地唔係同區最平，但一個價錢已經包左兩個前菜同餐飲，毋須額外加錢，仲有85折，性價比係好高🥰
午餐都做得用心實在難得🥹
佢地係連男女洗手間的設計都有認真諗過🫣
無論餐廳環境設計，餐牌，餐具擺放，食物選材，食物擺盤，烹調方法，衛生以致服務都有極致追求，極佳水平💯
非常講究用心有誠意，一絲不苟，注重細節的態度令我非常欣賞
餐廳沒有signature, 因為每一道菜都係signature🥹
用餐體驗極滿意又滿足，用餐後飽而不滯🤭
食物飲品同甜品都清得乾乾淨淨，不浪費餐廳的用心🫢
食完肥2磅都抵呀🤣
呢度暫時係我食過咁多間西餐廳感覺印象最好的一間，用餐後已急不及待介紹朋友😆
張貼
