十六座車仔麵 (已結業)

又來到搵宵夜嘅時間，夜晚11點幾要搵深夜食堂都唔易，今次就試下呢間門面幾有港式風味嘅十六座車仔麵。餐牌上面嘅選擇非常多，眼花繚亂呢！首先第一碗叫左刀麵，鹵味雞翼，豬皮，韮菜水餃，湯底叫左腩汁同少辣。可能因為咁夜客人數目唔多，上菜速度很快。刀麵即係闊河粉，無平時河粉咁易碎，掛湯能力亦更高，幾特別。韮菜餃薄皮多餡，真材實料，有驚喜！另一碗叫左菠菜麵，魚皮餃同食車仔麵必叫嘅蘿蔔。湯底係腩汁。配料普通，但菠菜麵幾特別，係健康之選！另外叫左一個咖哩魷魚，醬汁望落濃郁，份量夠。食落彈牙，亦入味，醬汁十分惹味，推介鐘意食魷魚嘅朋友！整體水準正常，但偏貴，經過可以試下嘅，算坐得舒服。特別推介咖哩魷魚同韮菜餃！