洛奇冰室 (已結業)

🔺 洛奇冰室 (銅鑼灣)銅鑼灣打工仔又有新飯堂啦‼️登龍街出名多野食，之前lunch 試過佢d 午餐都幾好食，炒粉麵又有鑊氣，今次黎試下佢晚市小菜係咪都咁掂先🤪🤪🔻鬼馬生炒骨（$88)跟飯、湯、熱飲上枱果陣隔離個妹妹仔係咁嘩嘩嘩😂佢個底加阻乾冰出仙氣姐，並唔係冰鎮咕嚕肉黎，佢係熱辣辣既，佢加阻油炸鬼落去一齊整，又脆又香口，一d 都唔油膩勁好食😍我覺得佢成碟都用晒油炸鬼都冇問題呀‼️🔻咖喱牛肋條飯（$76)咖喱帶有椰香味，唔辣既，個牛肋條啖啖肉，煮到好淋好入味～🔻黃金雞中翼（$58)佢係用鹹蛋黃調掣成調味粉，再鋪滿隻炸雞翼到，咁樣食冇咁漏之餘又食到啖啖鹹蛋黃香～🔻川味尖椒炒牛肉（$78)尖椒夠辣勁惹味，牛肉好嫩唔un 肉，勁有鑊氣。✨e+晚市叫2個小菜+$1 有一份霸王雞超抵😱你地試完記得話我知好冇食呀👻總結：呢到既侍應個個都好有禮貌，同埋會話比你聽e+做緊d 咩優惠咁，而環境方面坐位好闊落，唔會迫你搭枱，坐得好舒服，同埋餐廳好光猛，裝修簡約，睇落乾乾淨淨✨✨