品越越式料理 (雅蘭中心) (已結業)

我認為品越係旺角一間幾有水準嘅越南餐廳，晚飯係比較貴，午餐價錢就親民好多，環境裝修都唔錯，人唔算多，喺旺角午餐，我認為呢間係一處理想又寧靜嘅好選擇，今次試食咖喱牛腩飯和鮮茄蟹肉丸湯檬，覺得水準依然，可惜凍奶茶就失準，算係一個瑕疵，不過食物有水準，而且服務殷勤，坐位寬闊，不過真係要改善杯凍奶茶，否則真係要劣評。鮮茄蟹肉魚丸湯檬湯底酸酸哋好有海鮮味，面頭有好多鮮蟹肉，蟹肉丸裡面亦包左蟹肉，睇落真材實料，食落鮮味十足咖喱牛腩飯咖喱唔辣，有濃濃花生味，但唔似一般食開嘅咖喱味道 ，倒不如叫花生咖哩適合啲，不過味道仍然討人喜歡，牛腩方面，夠冧，又多牛筋，幾正。凍奶茶顏色似樣，但奶味過多，茶味過少，唔合格。