碗盛 (已結業)

天后清風街寶德樓有一間開張咗三個月食日本拉麵、串燒、天婦羅嘅居酒屋叫碗盛。那裡的裝修好日式、簡潔而又舒服。店員都十分有禮，令人感到好舒服。前菜我哋叫咗個沖繩水雲漬，酸酸甜甜十分開胃，因為用柑橘醋浸製啲。我哋又叫咗枝豆，炒枝豆微鹹，味道剛剛好，豆大大粒，好新鮮。去居酒屋必定要叫串燒，我哋選咗餐牌推介嘅串燒，有牛舌，牛舌切得都好厚身，只係需要落少少鹽做調味，已經覺得好好食，另外又叫咗白鱔，白鱔嘅肉好煙韌，一啲都唔腥，好有魚味，果然是值得推介。朋友叫咗一串雞皮，脆卜卜的，她喜歡紫蘇芥末豬🐷五花腩串燒，串燒肥瘦適中，有豬味。拉麵係必食嘅，那裡的招牌拉麵係牛小排日式拉麵，我最驚訝就係拉麵嘅湯底有好濃嘅豬骨湯味而且係完全冇味精嘅，湯底鹽分適中，不會太鹹，我喜歡，牛小排嫩滑，配上一個用日本醬油精心煮的溏心蛋，蛋白嫩滑，蛋黃溏心，認真不錯，拉麵分量也多。雜錦天婦羅有蝦、南瓜、冬菇、番薯、茄子🍆。佢嘅脆漿係非常之脆，但吃落唔覺得肥膩，油不多。我覺得天婦羅係好有水準嘅。如果喜歡日本拉麵、串燒，碗盛是個不錯選擇，那裡有一個廂房，和朋友一起去慶祝生日可以預訂，夠曬私隱，可以開懷暢飲吃串燒呢！