新南苑私房菜火鍋鷄煲 (海德中心) (已結業)

今日屋企冇煮飯就出去覓食啦，屋企人話要叫餸食飯，見呢間都有幾多小菜，就入去試下啦門面都幾靚，乾淨企理，仲有一個水缸放海鮮，望落好新鮮~小菜都有幾多款式俾我地揀，係灣仔區黎講，價錢算係幾親民枱上已經放置好既前菜，個花生炸得好脆，四季豆麻麻辣辣好開胃點完餐，店員就會請你自己去攞飲品，仲要係任飲嫁!等野食黎既同時，都四周八掛下，呢度都有廂房俾我地book，裝飾都幾有特色，感覺好Modern招牌鬼馬雞煲，一上枱已經好香，我地唔算好食得辣，所以叫左小辣，仲有一份油炸鬼撈落雞煲，估唔到油炸鬼同雞煲係咁夾，油炸鬼沾滿左雞煲既汁，好正!雞肉亦都好嫩滑，個汁好濃味，送飯一流。干燒黑椒南瓜焗肉蟹煲，肉蟹都幾大隻，而且好新鮮，黑椒味道好出，南瓜吸哂黑椒既味道，簡直係精華，好惹味~蛋黃黃金蝦，每隻蝦都沾滿左蛋黃，好香口，蝦殼脆到都食得，啖啖蛋黃香，食落唔會好油膩。豉汁帶子蒸豆腐，豉汁調味岩岩好，唔會話好咸，更提起帶子既鮮味，帶子新鮮彈牙，配上滑嘟嘟既豆腐，口感好正，又係送飯首選~食到好滿足之後，仲有牛奶布甸送，好重牛奶味，好滑，係一個happy ending!店員仲好親切同我地介紹佢地餐廳一至五既午市套餐幾抵