南山軒 (已結業)

呢到係位於元朗既隱秘室內大排擋，每次都係揸私家車去，舖頭門口就係停車場，所以好方便！入面又有冷氣，環境都幾舒服，好適合一家大細去。而野食係超高水準，其中呢碟墨魚餅基本上係枱枱都會叫，因為真係好彈牙好好味，大人小朋友都爭住黎食。而且呢到仲有好多其他大排擋食唔到既菜式，我屋企人今個月已經幫襯左三次，因為真係好岩口味。仲有之前好興的奶茶冰，成條冰都係奶茶黎，就算啲冰溶左，都可以飲到奶茶味，唔會變淡。呢到真係一個幾好的食飯地方，價錢仲要唔貴，不過晚飯時間去最好book定位，因為都幾多人。