樂天皇朝 (將軍澳中心)

營業中

休息中

晚上去左將軍澳中心搵食， 呢度有間#樂天皇朝 ，都好耐冇食上海野，於是乎便進入開餐囉。餐前小吃是花生🥜加栗子🌰，炆得軟淋入味，食住慢慢選擇食物☺️。芝麻醬油麥菜，第一次食生的麥菜，用青瓜🥒包住，點上芝麻醬一齊食，咬落清脆爽口的很開胃。無錫鮮肉鍋貼 🥟 ，比起小籠包，我地更喜歡食鍋貼，底部煎得香脆，咬落肉質鮮嫩又多汁。鮮蝦抄手伴麵，抄手皮薄料足，拌麵🍜帶有麻香味，撈勻酸酸辣辣，令人食得好開胃。雪菜黃魚燴麵，湯為奶白色，入口有些微魚香味，魚肉滑嫩無骨啖啖肉，拉麵爽口順滑好食😋。