帝樂 - 德國餐廳 (美麗華廣場) (已結業)

嚟食BRUNCH...趁假期食豪D！呢間德國嘢一直聽人講好食，今次可以試到，都算有意外驚喜！沙律同前菜算多選擇，味道可以。主菜嘅選擇幾多，而且最想試嘅豬手比想像中好食，肉本身夠味，加上個汁亦好香，冇令我失望！海鮮選擇得3樣︰蝦、螺、青口，我覺得夠新鮮，而且供應快、流轉快，食得都好放心！熱食方面，選擇都算多，大多都係肉類，當中以牛舌最好食，印尼深刻。到最後甜品，蛋糕我覺得偏甜，好彩雪糕有Dreyers幾好味，以一餐brunch嚟講係幾豐富收貨。