影片
更多
2020-08-07
488 瀏覽
堂食禁令前最後一日緊係把握機會食餐好既🥺，因為有啲食物始終都係堂食好過外賣。而我就揀左食壽司喇！🍣壽司梗係要師傅新鮮切好即刻食，至少唔洗經歷慢長既車程。今次我黎到哩間越黎越多分店既日式餐廳，用手機點單揀左佢既定食G ―― 迷你吞那魚蓉刺身壽司餐，另外加左兩隻珍寶赤蝦🦐。珍寶赤蝦🦐（$20，需向店員額外下單）兩隻赤蝦都好有份量，粗過我隻手指公👍🏻。但唔知師傅處理得唔好定意外，一夾起第一隻（圖左）佢既腦漿就流哂出黎，雖然唔係苦但味道有啲奇怪😖。到食第二隻就無哩個問題，蝦身比較凍，但已經完全解凍哂，帶少少甜味，都唔錯。迷你吞那魚蓉刺身壽司餐🍱（$128）首先，由個沙律🥗食起，我幾鐘意佢個醋汁，酸酸甜甜好開胃。值得一提，餐廳提供左兩種醬油，一種比刺身另一種係壽司用，刺身用既帶昆布味同淡口，壽司用就係帶咸香。吞那魚蓉幾新鮮，仲食到魚🐟既鮮味，醋飯都好夠味，粒粒分明。刺身亦都唔錯，絕對係新鮮。火灸壽司好好食，特別係三文魚脂啲油份出哂黎，入口即溶既感覺🤤。全部都燒得岩岩好，令壽司味道有所提升，好令人上癮。如果真係要挑剔，就係啲醬太多。唔好睇碗飯仔細細🍚，加埋啲壽司﹑剌身同其他配菜，食完好飽好滿足。而
珍寶赤蝦🦐（$20，需向店員額外下單）
兩隻赤蝦都好有份量，粗過我隻手指公👍🏻。但唔知師傅處理得唔好定意外，一夾起第一隻（圖左）佢既腦漿就流哂出黎，雖然唔係苦但味道有啲奇怪😖。到食第二隻就無哩個問題，蝦身比較凍，但已經完全解凍哂，帶少少甜味，都唔錯。
迷你吞那魚蓉刺身壽司餐🍱（$128）
首先，由個沙律🥗食起，我幾鐘意佢個醋汁，酸酸甜甜好開胃。值得一提，餐廳提供左兩種醬油，一種比刺身另一種係壽司用，刺身用既帶昆布味同淡口，壽司用就係帶咸香。吞那魚蓉幾新鮮，仲食到魚🐟既鮮味，醋飯都好夠味，粒粒分明。刺身亦都唔錯，絕對係新鮮。火灸壽司好好食，特別係三文魚脂啲油份出哂黎，入口即溶既感覺🤤。全部都燒得岩岩好，令壽司味道有所提升，好令人上癮。如果真係要挑剔，就係啲醬太多。唔好睇碗飯仔細細🍚，加埋啲壽司﹑剌身同其他配菜，食完好飽好滿足。而食到最後店員會為食客送上一粒雪糕糯米滋做甜品，成件事就更加滿足哂喇。另外，定食可以揀飲品或者味噌湯，🧃飲品就可以去雪櫃前自己拎，味噌湯可以向店員下單。
總括而然，我覺得係值得一試，而且性價比都幾高，一個套餐🍱包含左唔同類別，絕對滿足到你。除左魚生類定食，都有提供熟食類定食🍜，總有一款岩哂你。
張貼
