千江雪 (已結業)

講起放題，我同朋友都試過好幾間，但係好食既，就真係唔多，而食物都係間間差唔多，最近係雜誌見到一間放題嘅廣吿，個名叫千江雪，見到食物相片好給引，所以就訂位同朋友去試吓，我訂咗9點個埸，食兩個鐘，我地—行8個人，上到去，見到啲裝修好特别，啲位都唔係好逼，重有卡位，因為我地早咗5分鐘上去，而有兩位朋友未到，佢地安排我地係門囗坐—陣，話因為—入枱就開始計時，但我見到越嚟越多人到，而已經入哂座，我見已經差唔多冇位，但我地一行8個人，咪冇位坐，咁我就問佢地，佢地就好好咁回答，其實我地已經安排咗—間VIP房比你地，原來六個人以上係會安排房架，而且冇另外收費，佢地有兩層，有—層全層都係VIP房，我一坐低，就攞起本點菜紙，總共有9張，有好多種類，首先剌身壽司—定食先啦，都幾新鮮，之後就串燒同羊架，和牛串同羊架，都係燒到啱啱好，唔太熟，牛舌好好味，之後嚟既就係天婦羅同炸嘢，蝦好有蝦味，粉唔算厚，我最鐘意，就係之士年糕，真係好好味，吉列蠔炸到裡面一啲都唔乾，好味，我亦試佢地既燒物，三文魚頭，骨，鰭，鯖魚同秋刀，都ok香口，所有我試過既食物水凖都幾好，只有一個問題就係食物有時出唔足，好在員工服務態度都好好的，