影片
更多
2018-06-25
145 瀏覽
今晚有波睇，同老友指明要一間有得睇、有得食、有得飲的，於是佢帶左我去尖咀打邊爐。阿肥位於漆咸道地庫，位於兩條鐵路中間，方便就腳。一入去，嘩！ 玩懷舊喎！好似去咗幾十年前的屋村大排擋食飯的感覺，播住譚詠麟D歌，配合古舊裝修，突然好鬼有 feel 。安頓之後，即刻望下食乜好。食鍋先叫底，呢到都幾多選擇，當中不乏特色湯底例如原盎滋補燉湯鍋啦，竹絲雞冬瓜盎啦，什至原隻豬肚包雞等等成廿款湯底。當中有平有貴任君選擇。但我見近排唔夠瞓有點熱氣，都係叫個下火D既皮蛋芫茜馬蹄鍋 $78 先。湯底係打邊爐的靈魂，而佢就夠曬足料，滾緊果時都聞到好香芫茜味，正！等食其間，梗係叫支啤酒啤啤佢。生力特價，大枝裝都係 $22， 佢仲有香口花生，睇波送酒簡直一流呀！火鍋配料亦都陸續上枱了。海中蝦 $158 蝦很大隻，仲要隻隻都好生猛郁手郁腳。涮完之後超級鮮甜，厚肉有質感，乜醬都唔使點就最好味。鮮鳳閣雙飛 $78難得會有脆鯇同白鱔雙併，而且都係七十零蚊咋。用料新鮮又夠大份，人少少必點，可以一次過滿足曬兩個願望。濟洲黑豚肉片 $88塊塊都很大片，而且食落好有豬味，又夠曬爽口。凍豆腐 $28 呢個很大份，味道正常。手打牛肉
阿肥位於漆咸道地庫，位於兩條鐵路中間，方便就腳。
一入去，嘩！ 玩懷舊喎！
好似去咗幾十年前的屋村大排擋食飯的感覺，播住譚詠麟D歌，配合古舊裝修，突然好鬼有 feel 。
安頓之後，即刻望下食乜好。食鍋先叫底，呢到都幾多選擇，當中不乏特色湯底例如原盎滋補燉湯鍋啦，竹絲雞冬瓜盎啦，什至原隻豬肚包雞等等成廿款湯底。當中有平有貴任君選擇。
但我見近排唔夠瞓有點熱氣，都係叫個下火D既皮蛋芫茜馬蹄鍋 $78 先。湯底係打邊爐的靈魂，而佢就夠曬足料，滾緊果時都聞到好香芫茜味，正！
等食其間，梗係叫支啤酒啤啤佢。生力特價，大枝裝都係 $22， 佢仲有香口花生，睇波送酒簡直一流呀！
火鍋配料亦都陸續上枱了。
海中蝦 $158
蝦很大隻，仲要隻隻都好生猛郁手郁腳。涮完之後超級鮮甜，厚肉有質感，乜醬都唔使點就最好味。
鮮鳳閣雙飛 $78
難得會有脆鯇同白鱔雙併，而且都係七十零蚊咋。用料新鮮又夠大份，人少少必點，可以一次過滿足曬兩個願望。
濟洲黑豚肉片 $88
塊塊都很大片，而且食落好有豬味，又夠曬爽口。
凍豆腐 $28
呢個很大份，味道正常。
手打牛肉丸 (半份）$30
有別於一般食開的牛丸，呢到D牛肉丸係軟身的，似山竹牛肉果種質地。如果鐘意食彈牙牛丸的朋友就未必啱了。
皇帝菜 $32
食菜其實最仲要係夠嫩同埋洗得乾淨，佢呢兩點都做到了。佢仲會將菜切開一半，好方便。
來呢到打邊爐真係好有氣氛，全場一齊睇波一齊叫，好正！決賽有著落。
張貼
