Coti the Bistro (五芳街)

營業中

休息中

今日去新蒲崗覓食，意外發現呢間裝修精緻嘅cafe。座位間隔寬，檯同檯之間有充足距離，可以同朋友坐低食下嘢傾下計。原條鰻魚漢堡配蕃薯條 $98賣相十分吸引，鰻魚雖然唔係超級肥美，但係調味一流，配埋滑蛋，蕃茄，生菜，仲有塊芝士添！麵包好鬆軟。蕃薯條都好正！好甜嘅蕃薯味，我覺得唔點茄汁食，可以食到蕃薯自己嘅甜味更佳。法式燉煮羊膝 $158個羊膝好冧，好大隻，有少少似印度嘢嘅味，味道唔錯，不過啲意粉就有啲失色，唔夠汁。沙律（跟餐）有啲橙同蘋果片，新鮮又甜，比起其他地方嘅沙律有誠意好多。羅宋湯（跟餐）味道都唔錯，正正常常咁。提拉米蘇咖啡（凍）$48呢個咖啡意外地有驚喜，咖啡上面係一層tiramisu 嘅cream，咖啡係果酸味比較重嗰款，平時我係唔鍾意飲嘅，不過配埋上面嘅cream，中和翻啲酸味，令到咁酸味好容易入口。冇諗過兩者咁夾。奶醬啡（熱）$48呢個咖啡好搞笑，用花生同花生醬圍住杯邊，咖啡偏甜，花生醬沉咗係咖啡下面，要搞一搞先搵，係比較特別，但整體黎講，都係提拉米蘇咖啡比較好飲。