影片
更多
2008-02-14
星期二晚, 老公話出咗 B 仔, 所以請我食餐好既,諗嚟諗去, 最後老公都係決定了咗我既心願, 一試「板前壽司」!! 由於要OT, 所以成八點九先係銅記過去旺角, 嚟到「板前」已經九點四啦!其實都估到多人等位架喇! 但冇諗過咁既日子同時間都仲咁多人囉!老公九點嚟到攞飛仔, Number 係141, 但當然只係只到八十幾喎...最後等到十點二先有得食!! 嘩!! 好似過份咗少少喎!!本來我都話唔等架! 不過老公話都係了咗我既心願好啲, 咁又係~~~ 終於有得食, 我已經好肚餓啦! 先嚟吞拿魚腩-肥美、少根($35 一本)、八爪魚($12)、油甘魚($20)、甜蝦($12 一本)、海鹽墨魚($15) 及三文魚($9),吞拿魚腩好貴, 但有少少失望, 食落去冇咩特別! 其他都係普普通通, 但個甜蝦就好正, 超肥美! 抵佢成$12 一件!! 炸墨魚軟骨($20), 呢個唔錯, 即叫即炸, 夠熱夠脆。活帆立貝壽司($20), 好似係季節限定, 好新鮮, 好甜, 夠厚肉, 抵食!! 正!! 池魚壽司($20), 都算新鮮, 但食唔出有咩特別味道, 食多碟活帆立貝好過! 芥辣墨魚軍艦($18),
諗嚟諗去, 最後老公都係決定了咗我既心願, 一試「板前壽司」!!
由於要OT, 所以成八點九先係銅記過去旺角, 嚟到「板前」已經九點四啦!
其實都估到多人等位架喇! 但冇諗過咁既日子同時間都仲咁多人囉!
老公九點嚟到攞飛仔, Number 係141, 但當然只係只到八十幾喎...
最後等到十點二先有得食!! 嘩!! 好似過份咗少少喎!!
本來我都話唔等架! 不過老公話都係了咗我既心願好啲, 咁又係~~~
終於有得食, 我已經好肚餓啦!
先嚟吞拿魚腩-肥美、少根($35 一本)、八爪魚($12)、油甘魚($20)、
甜蝦($12 一本)、海鹽墨魚($15) 及三文魚($9),
吞拿魚腩好貴, 但有少少失望, 食落去冇咩特別!
其他都係普普通通, 但個甜蝦就好正, 超肥美! 抵佢成$12 一件!!
炸墨魚軟骨($20), 呢個唔錯, 即叫即炸, 夠熱夠脆。
活帆立貝壽司($20), 好似係季節限定, 好新鮮, 好甜, 夠厚肉, 抵食!! 正!!
池魚壽司($20), 都算新鮮, 但食唔出有咩特別味道, 食多碟活帆立貝好過!
芥辣墨魚軍艦($18), 出奇地好食!! 夠新鮮, 同埋真係幾辣, 差啲想叫咗碟!!
火炙三文魚($9), 好似「北海道活壽司」做得好食啲;
火炙帆立貝($20), 冇乜特別, 都係新鮮既好食啲!
炸軟殼蟹($25), 一般, 雖然都係即叫即炸, 夠熱, 但粉太多, 份量太少。
加洲卷($9), 普通, 但夠平!
瀨尿蝦箱押壽司($15), 最差係呢個, 食完都唔知食緊乜, 味道又冇乜......
(前) 鱆紅魚($15)、立魚($20)、雞蛋壽司($9)
鱆紅魚超正!! 老公食完都忍唔住講咗句「好好味!」
立魚就普通, 雞蛋都夠晒份量, 整得幾好味又幾靚, 不過凍咗少少。
蝦膏甜蝦軍艦($18), 個蝦膏好新鮮好甜呀!! 隻蝦唔駛講啦! 呢個好抵食!!
明太子墨魚軍艦($15), 普通, 唔夠新鮮。
(左) 北寄貝壽司($20), 都幾新鮮喎~~ 同埋足一整塊, 咁都算抵食!
三文生春卷($18), 外皮用蘿蔔, 裡面除咗三文魚, 仲有蕃茄、青瓜、沙律菜,
個人覺得呢個好有新鮮感, 非常好食, 夠清新, 女仕一定要試!!
老公最後決定叫個鵝肝壽司($25) 做結尾,
本來冇乜期望架, 因為上次係「峰壽司」食過麻麻,
但嚟到後已經嗅到好香, 更睇到片鵝肝個面啲油仲係度彈下彈下,
食落口勁香, 仲要個厚度都算適中, 唔會太簿, 咁計$25 一啲都唔貴, 值得試!!
總括嚟講, 佢好食過「峰壽司」, 亦好食過「元氣」, 同「北海道活壽司」比就各有各好,
不過老老實實, 成日都咁多人等位, 個人就覺得, 唔會願意為咗佢等成個鐘位囉!!
同埋最後埋單成$430, 但我哋都冇叫啲好貴既嘢食, 又冇食刺身, 所以感覺貴咗少少!
有機會都會再嚟食過既, 不過應該係半年後既事喇........
張貼
