臺北棧 (港威商場)

營業中

休息中

和朋友食生日飯，但她只空出了2個鐘俾我，所以選了她公司樓下的台北棧，簡簡單單食一餐。餐廳門口簡單但入面別有洞天，裝修幾有時代感，有如一間高檔西餐廳。食物選擇豐富，這個裝修來說，價錢算親民。除了台式飲品，仲有特色cocktail供應。點了木瓜牛乳和宇治抹茶牛乳。兩杯賣相都好靚！木瓜當然夠健康，重點是甜度剛好。抹茶牛乳茶味好濃郁，牛乳入口好滑又有茶香。髒髒鹹蛋黃芋泥蛋餅以為是咸食，但原來芋泥是甜的，裏面好多芋泥！蛋餅皮煙韌，加埋蛋黃咸香和紫薯粉，口感好豐富，食完真係好飽！招牌牛肉麵，份量比想像中細，但係好好味，鋪面的是炸蟲草花，幾脆口。我們轉了台灣寬粉絲，晶瑩的粉絲好有咬口，掛湯能力亦不錯！特製牛脂油好香，牛𦟌都好肉厚，湯底濃而不膩，絕對係一碗出色的台灣麵！招牌滷肉飯朋友的大愛，粒粒魯肉，帶點肥膏，食落有豬油香！灑上了芝麻，小小一碗，份量唔會太多，正好啱晒我地！心思思最後多點了一個抹茶鳳梨酥撻，好驚喜！酥皮好鬆化，抹茶是流心的，入面仲有煙韌麻薯，但size都唔細，一件差不多有3件鳳梨酥大小。裝修靚，食物好味，想食餐正式少少的台灣菜，呢度啱晒。