Mezze (已結業)

今晚喺尖沙咀上完堂，同朋友想搵間靜靜地坐得舒服，環境又好嘅餐廳食飯，飲下嘢，傾下偈，relax下。經過赫德道見到，有棟大廈樓上有唔同國家嘅餐廳，朋友話食厭咗日本同韓國菜，所以我哋揀咗MEZZE，都未行到電梯口服務員已經撳定lift俾我哋，窩心😍上到四樓，一出lift就見到餐廳門口，行近就有位斯斯文文嘅靚仔（原來佢就係呢度嘅經理Vincent），走出嚟招呼我哋，我哋揀咗窗邊位坐，隔著玻璃望到街景特別有feel,窗邊位隔離有道門出去有露台，岩曬喜歡吹吹風或者吸煙的客人，室內仲有間vip房,一大班fd 玩癲啲都唔怕騷擾到人因朋友唔食牛同羊，就揀左Hummus,薄餅軟硬適中同個用鷹嘴豆蒜蓉香料打成嘅醬好鬼夾。要encore😋Chicken cream pasta 雞肉细细舊醃過再微煎到剛熟，好滑唔乾，食第一啖意粉就畀個忌廉汁，深深吸引住😍好creamy、好順滑，芝士同忌廉配合得啱啱好，食曬成碟都唔會覺膩😋Moussaka 燴雜菜（纯素）面頭茄子燒得香香，入面有青红椒用薯仔墊底，個汁用番茄打成，加小小黑醋，酸酸地帶出蔬菜的鲜甜味，好特别，估唔到純素菜都可以做得咁吸引。同朋友傾下傾下不知不覺已經2