浜滝

營業中

休息中

表妹出嫁要陪佢去九龍城買潮州餅，經過呢條福佬村道，有間門面睇落十足日本居酒屋嘅店鋪，於是就入去試吓。地方唔算大，但佈置得甚有日本風情。嚟食日本菜當然唔少得叫三文魚刺身，厚切同鮮甜口感一流。近冮牛沙律有鮮嫰嘅羅馬菜配幾塊滑嫩牛肉，撈埋秘製沙律汁👍。佐酒炸蝦口味一般，蝦比其他店舖稍為大隻，若果可以再炸脆一啲就好啦！大阪燒餅餡內有雜菜絲同雞蛋一齊煎，燒餅面上鋪滿木魚絲，夠晒有日本風味。炸日本金栗餅同忌廉薯餅都係同樣外皮鬆脆；餡料豐富😋，我比較喜歡🌰多啲。食咗咁多嘢已經飽肚，下次再嚟要試吓拉麵，原來碗拉麵有熱石喺入邊保溫。