勝博殿日式炸豬排

營業中

休息中

其實本人唔多鐘意食炸物, 但一年前同女友去日本食過一次之後十分難忘, 真係無諗過炸物可以炸得咁好, 完全唔肥膩, 返黎香港之後就一路無再食過炸豬扒等日式食品.是晚女友話要回味下, 所以就揀左呢間係日本都好出名既連鎖店黎試下, 可以無令我地失望, 有日本水準。呢度係任食椰菜絲, 飯同任飲麵豉湯。 椰菜絲新鮮爽脆，可加芝麻醬或風柚子醬。兩款醬其實都唔錯, 個人比較喜歡風柚子醬, 因為出面好少有, 而且酸酸地好開胃, 麵豉湯呢度係用菇來煲, 幾特別, 我飲左3杯, 開餐前要磨芝麻, 加上照燒汁, 是一貫日本既食法我地點左個2人餐同散叫左個炸蠔, 套餐有炸豬排，忌廉蟹肉餅，炸豬柳，豬柳卷和炸蝦。全部都炸得很香脆但一點油膩的感覺也沒有, 勁, 最好味是炸豬排同豬柳卷, 豬柳卷包著芝士, 一口食下有芝士流出, 正.最後是炸蠔, 不得了, 我不明白點解可以炸得外面脆但入面仲保持到咁多汁, 一咬下真係有很多汁流出, 讚嘆!!!