影片
更多
2016-11-02
803 瀏覽
今日同朋友心思思想去放題，就去咗旺角兆萬中心睇吓邊間啱食喇。見到呢間大本營，價錢唔算好貴，又未試過，就入咗去試吓啦。入到去，都幾大間，窗簾同擺設都帶啲日式既感覺。我哋坐嘅枱好大張，好寬敞。首先講下啲刺身先，擺碟非常靚，三文魚甜蝦同帶子都好鮮甜又肥美！其他就係我個朋友叫嘅，佢話都唔錯。跟住講下啲一品料理，要推介既係芝士焗蠔，個蠔都幾新鮮，最特別嘅係芝士入面加左少少沙律醬落去，令到個焗蠔唔會得芝士咁膩，好清新，好有驚奇！清酒煮蜆都煮得好入味，蜆既份量適中，夠食！炒雜菌同炒雜菜都係幾入味既。壽司方面，試左黑松露三文魚壽司、黑松露珍寶帶子壽司，黑松露份量略嫌唔夠多，可以加多啲，會更加滋味！泰式生蝦壽司都好有創意，生蝦夠新鮮，泰醬夠酸甜，值得一試！火炙壽司，配合芝士，一放入口，整舊融化左咁，幾時都係我最愛😋 之後講下啲炸物先，吉列炸蠔、紫薯波波、榴槤炸彈、雞軟骨串燒，都炸得好香脆可口！天婦羅方面，炸粉比較厚同硬，可以多加改善！而呢間放題最特別既地方係，為左突圍而出，意外地加左好多新元素！有東南亞既美食，例如：炸蝦餅、泰式通菜、炒豬頸肉、仲有冬陰公海鮮鍋！！真係令我意想天開😳 日文野方面，都好多第
入到去，都幾大間，窗簾同擺設都帶啲日式既感覺。我哋坐嘅枱好大張，好寬敞。首先講下啲刺身先，擺碟非常靚，三文魚甜蝦同帶子都好鮮甜又肥美！其他就係我個朋友叫嘅，佢話都唔錯。
跟住講下啲一品料理，要推介既係芝士焗蠔，個蠔都幾新鮮，最特別嘅係芝士入面加左少少沙律醬落去，令到個焗蠔唔會得芝士咁膩，好清新，好有驚奇！
清酒煮蜆都煮得好入味，蜆既份量適中，夠食！炒雜菌同炒雜菜都係幾入味既。
壽司方面，試左黑松露三文魚壽司、黑松露珍寶帶子壽司，黑松露份量略嫌唔夠多，可以加多啲，會更加滋味！泰式生蝦壽司都好有創意，生蝦夠新鮮，泰醬夠酸甜，值得一試！火炙壽司，配合芝士，一放入口，整舊融化左咁，幾時都係我最愛😋
之後講下啲炸物先，吉列炸蠔、紫薯波波、榴槤炸彈、雞軟骨串燒，都炸得好香脆可口！
天婦羅方面，炸粉比較厚同硬，可以多加改善！
而呢間放題最特別既地方係，為左突圍而出，意外地加左好多新元素！有東南亞既美食，例如：炸蝦餅、泰式通菜、炒豬頸肉、仲有冬陰公海鮮鍋！！
真係令我意想天開😳 日文野方面，都好多第間放題無既，例如：味噌湯呀、人參雞湯、鮮三文魚頭湯、芝士年糕。。。睇得出呢間店好有心思！總括黎講，價錢合理，質素中上，又有新元素，值得一試！
張貼
