龍麵館 (已結業)

同朋友慶祝生日決定食好啲，來到中環龍麵館。以前只係會路過，今次真係入到去發現內裡裝潢是中式設計，上面掛住幾個舞獅頭，就連餐廳洗手間都係滿溢的中國風。可能因為星期六中午過去，餐廳內並唔多人，都有遊客路過入來捧場，整體環境舒適。得兩個人，但我地叫啲嘢都唔少 食到最後已經飽到食不知味。。。。。。我同朋友分別叫佐龍蝦麵同慢煮牛頰麵。首先上場係龍蝦麵。真材實料，啖啖龍蝦肉配上濃郁龍蝦湯底，鮮味縈繞口腔，朋友大讚～ 啲麵亦都筋道十足，主角配角一樣咁好味至於我碗麵，依然係龍蝦濃湯底，但同慢煮牛頰係互相襯托。牛頰牛味濃，嫩，不韌易入口。以為呢個會係流心紫薯包，結果原來自己估錯 唔係流心依然咁好味，龍蝦酥造型10/10，但之前食佐咁多嘢食到佢真系咩都食唔出。。只係知道啖啖肉lol過多一陣甜品上陣，盆栽造型好得意，豆腐味幾出。不過有冇人話到俾我知上面啲草食唔食得？