K Square 5 Restaurant & Bar (已結業)

抵食二人套餐($388)唔講唔知原來太子都好多野食，今次食左尼間非常有情調既餐廳，見到二人餐非常抵食，湯，前菜，兩樣主菜，甜品，都只係300幾，梗係叫尼個啦！ 凱撒沙律前菜要左個沙律，菜好新鮮而且煙三文魚嘅份量一啲都唔少😻。不過最驚喜係個糖心蛋，煮得岩岩好，同沙律一齊配搭好夾！ 雜莓沙冰其實佢比較多酒既選擇，不過司令唔想飲酒，叫左杯沙冰。味道偏酸，完全冇藥水味，不過冰打得唔多細，飲落口要咬咬下先得。 K Square 火焰鐵板烤雞睇menu以為隻雞一定食唔晒啦，好彩黎到嘅size又唔算好大😏，兩個人就岩岩好！送到黎嘅時候雞係鐵板上比火烤緊，呢個時候梗係相機食先啦😋，等司令影完之後侍應就即刻再拎份廚房切好排到靚靚仔仔。雞唔唔算好滑，但旁邊嘅汁加返分，點黎食鮮味增加返，薯角炸到脆卜卜，份量都唔少！ 鐵板朱古力軟蛋糕食飽點可以漏左甜品，用鐵板上既朱古力蛋糕，一上枱店員就問司令準備好未。下😱要準備乜？！原來係佢會將朱古力醬再淋落去，雖然今次冇火，不過一樣有出煙既效果，正！原來以為係心太軟蛋糕，原來只係一舊朱古力蛋糕，配埋雪糕同朱古力醬，味道香濃。