影片
更多
2021-11-07
74 瀏覽
每次行尖沙咀都一定會經過誠品，可能會買杯手搖飲品同台灣包裝食品，但係完全唔知道佢哋有一間可以坐喺度食晚飯嘅Cafe，上次見到嘅時候已經full Booking，今次就專登訂埋枱試下。Cafe 後面位置就係可以食午餐同晚餐嘅地方，座位唔算太多，大概有大枱同細枱各有五至六張，值得一讚嘅係二人枱差唔多全部都係貼住落地玻璃嘅，同朋友或者伴侶撐枱腳一流。Cafe同事帶位之後，好有心機同我哋講解餐單，我地scan QR code 叫左 Pork Belly with Polenta ($198)，Black Truffle Pasta($148)，Red Ale ($88)同Grapefruit Buddy($52)。Pork Belly with Polenta: Polenta 係磨蓉咗嘅粟米，食落去好易糊仔咁，但係細心咬落去你會咬到好似BB粟米咁樣一粒粒嘅，好creamy好軟，佢落嘅調味唔多，追進都可能係少少鹽，但係食落去嘅時候頭幾啖可能會覺得都少少淡口，但係食到最尾嘅時候，俾個腩肉吊起左啲味，就會啱啱好，唔會喧賓奪主。腩肉厚身，有三層肉，食落唔係入口即溶反而係要趙幾下先會滲d豬油岀黎，加埋
Cafe 後面位置就係可以食午餐同晚餐嘅地方，座位唔算太多，大概有大枱同細枱各有五至六張，值得一讚嘅係二人枱差唔多全部都係貼住落地玻璃嘅，同朋友或者伴侶撐枱腳一流。
Cafe同事帶位之後，好有心機同我哋講解餐單，我地scan QR code 叫左 Pork Belly with Polenta ($198)，Black Truffle Pasta($148)，Red Ale ($88)同Grapefruit Buddy($52)。
Pork Belly with Polenta: Polenta 係磨蓉咗嘅粟米，食落去好易糊仔咁，但係細心咬落去你會咬到好似BB粟米咁樣一粒粒嘅，好creamy好軟，佢落嘅調味唔多，追進都可能係少少鹽，但係食落去嘅時候頭幾啖可能會覺得都少少淡口，但係食到最尾嘅時候，俾個腩肉吊起左啲味，就會啱啱好，唔會喧賓奪主。腩肉厚身，有三層肉，食落唔係入口即溶反而係要趙幾下先會滲d豬油岀黎，加埋粟米蓉啱啱好。
Black Truffle Pasta: 估唔到會咁大碟，見到每一粒pasta都有truffle sauce，廚師無慳住慳住㗎。菇份量都算多，上面裝飾嘅三塊菇帶少少鹹味，比較乾身，同pasta入面嘅菇唔同，後者較厚同juicy。
Red Ale: 易入口同帶少少甜味，苦澀味較輕，適合女仔飲。餐廳好貼心，上啤酒嘅時候個啤酒杯都係雪凍過嘅，唔會影響啤酒嘅質感。
Grapefruit Buddy:lemon grass 好refreshing，真係見到一粒粒喺隻杯入邊，底下會飲都有少少grapefruit果肉，唔會過甜，叫呢杯嘅都係想清一清個口，完全啱晒。
好鍾意餐廳嘅裝修，用咗金屬同埋earth tone，令人感覺好舒服，一開始飲嘅係備長炭水，我唔係一個品水師，其實飲唔出又大分別😂不過呢啲細位為都好值得加分，如果咁啱係夏天嘅時候嚟嘅話，應該仲望到日落。咁嘅價錢可以對住個維多利亞港食野，抵呀！
張貼
