雲理牛肉米線

介紹你食一碗好有性格嘅麵！吊龍🥩🍜主打！

川婆婆旗下新店《雲理》，主打雲南風味，位於觀塘廣場，位置低調但味道夠正👍🏻 牛同米線fans必去拜一拜！

🍜 吊龍拼牛舌 + 紅薯扭扭粉 + 雲南酸辣湯底
牛舌薄切爽滑，吊龍肉煙韌有嚼頭，紅薯粉吸晒湯汁，酸辣夠味，食到尾都唔膩，真係有性格🤣

🍲 牛肋排骨粉 + 牛骨湯底
排骨大件啖啖肉，牛骨湯清香順喉，不過略嫌冇牛尾，少咗啲牛騷感～

🥤 豆漿係支裝唔係即磨，但都算清甜解膩。

📸 食完麵不妨行多兩步，隔離有間舊式照相館，影張相留住懷舊一刻，靜靜地畫上句號。