Oui Oui Bistro (已結業)

去開呢頭打完波，就係附近搵下野食。估唔到咁好味！叫左3樣野食2個飲品，先上左mussle做前菜，佢d青口大大粒，粒粒飽滿，連埋個白酒汁真係正喎...我叫左truffle carbonara，意粉好彈牙，但係又唔會太硬，軟硬度適中。一上台，香氣撲鼻，我係咁同朋友講，嘩! 好香呀，足足講左2次。意粉面有隻蛋，我將佢撈勻等佢d蛋汁留出黎包住d麵。黑松露醬份量不少，每條意粉都有滿滿嘅醬掛住，真係好正! 我朋友叫左all day breakfast，超大份，上台見到咁豐富已經好鬼開心，味道還不錯呢....我地係間餐廳吹左好耐水，keep住有人入，3點幾4點都full house好誇張。總括黎講覺得間餐廳好有heart，從食物味道，presentation，老闆談吐已經有咁嘅感覺，下次黎開附近會再黎。