影片
更多
2022-10-03
7 瀏覽
朋友喺旺角返工，黎開呢頭叫佢推介下餐廳，結果就嚟咗呢間佢最常幫襯嘅西餐。MOZZARELLA配三色原種番茄 ($188)係好好嘅開胃菜，蕃茄同每一條菜都非常新鮮。 三色蕃茄每款都唔同味，最特別係第一次試青色蕃茄，清甜爽脆。 芝士固之然creamy，亦都好啱我口味地唔係得淡淡嘅奶味，真係好香濃醇厚，簡簡單單加橄欖油同黑醋已經夠好食。香煎西班牙八爪魚足鬚 ($168)好足料，兩個人分都啖啖肉。 八爪魚同幻想中一樣咁煙靭，鮮味十足，醬汁仲有大量辣肉腸粒，好惹味。慢煮鬆脆帶骨豬排 ($308)真係明顯食到慢煮嘅效果，豬扒喺口入面爆發出肉汁，表面煎到好香，配青蘋果醬好清新。南瓜意大利飯 ($118)鋪得好平坦，令我諗起韓式鍋食到最後撈醬汁整炒飯嘅感覺，食落原來真係好濃郁。 南瓜醬汁同南瓜粒密不透風咁包裹每一粒飯，但味道唔會好單調，因為飯上面灑滿咗芝士，令味道更加有層次。TIRAMISU ($68)店家好自豪咁介紹係新鮮即製，本來都唔係好明有咩必要，一切落去就明白，手指餅接近飽和咁吸滿晒冧酒同咖啡，極度濕潤嘅狀態下配埋個cream一齊食，酒味好濃，同時一下子又有奶油嘅香甜中和返，難怪係招牌菜。
MOZZARELLA配三色原種番茄 ($188)係好好嘅開胃菜，蕃茄同每一條菜都非常新鮮。 三色蕃茄每款都唔同味，最特別係第一次試青色蕃茄，清甜爽脆。 芝士固之然creamy，亦都好啱我口味地唔係得淡淡嘅奶味，真係好香濃醇厚，簡簡單單加橄欖油同黑醋已經夠好食。
香煎西班牙八爪魚足鬚 ($168)好足料，兩個人分都啖啖肉。 八爪魚同幻想中一樣咁煙靭，鮮味十足，醬汁仲有大量辣肉腸粒，好惹味。
慢煮鬆脆帶骨豬排 ($308)真係明顯食到慢煮嘅效果，豬扒喺口入面爆發出肉汁，表面煎到好香，配青蘋果醬好清新。
南瓜意大利飯 ($118)鋪得好平坦，令我諗起韓式鍋食到最後撈醬汁整炒飯嘅感覺，食落原來真係好濃郁。 南瓜醬汁同南瓜粒密不透風咁包裹每一粒飯，但味道唔會好單調，因為飯上面灑滿咗芝士，令味道更加有層次。
TIRAMISU ($68)店家好自豪咁介紹係新鮮即製，本來都唔係好明有咩必要，一切落去就明白，手指餅接近飽和咁吸滿晒冧酒同咖啡，極度濕潤嘅狀態下配埋個cream一齊食，酒味好濃，同時一下子又有奶油嘅香甜中和返，難怪係招牌菜。
張貼
