紅丸甜品 (已結業)

快樂 - 唔一定要一班人出去吃喝玩樂；能夠安在家中，就有專人(老公^^)送上美食，呢種另類窩心感覺……更快樂^~^外賣紙袋同餐具都好有心思原先叫咗紅豆沙加湯丸，不過店舖職員唔記得加落去，返到嚟先發現，老公打電話落店，職員都禮貌道歉，只好聽日落店攞返退款。今次冇機會試吓佢嘅湯丸，唯有等下次……整體碗紅豆沙都好足料，有圓圓嘅蓮子(分咗心，唔記得影)紅豆亦煲得好腍，真係有紅豆“沙“嘅效果，唔會水同豆分開或者紅豆太硬，不過對我嚟講就略甜，如果甜度能夠減返二三度，就最滿足