Barbeland (已結業)

同啲朋友食完飯之後想搵個地方飲杯嘢同埋Shisha，朋友就推介左呢一間係尖沙咀嘅酒吧俾我哋。上到去環境都幾舒服我哋坐咗喺露台出面望住赫德道飲酒同埋Shisha都幾chill酒吧好多款唔同嘅cocktails ，侍應推介左一啲本店特有嘅調酒比我地我就揀咗呢一款荔枝調酒，飲落都幾易入口，唔會話好重酒味。女士們一定會喜歡同時酒吧都有得食Shisha ，而且水濃度比起香港其他餐廳或酒吧都要來得勁。同我以前係外國食嗰啲差唔多。如果要試既朋友第一口唔好吸得咁大膽，真係咳既就唔好睇啦。呢間酒吧位置方便而且價錢亦都唔貴，下次行開呢頭都可以再嚟試吓。