影片
更多
2025-07-19
62 瀏覽
今晚想介紹一間喺銅鑼灣嘅超高質餐廳，除咗嘢食好味，仲有一個超大嘅賣點- Live Band 加Open Mic嘅舞台！餐廳唔算好大，但係非常有情調，想兩個人靜靜地嚟聽歌又得，約幾個朋友一齊飲番幾杯，食吓晚飯，甚至上台唱歌都得！重點係呢度嘅音響非常之好，仲要每晚都有唔同嘅駐場歌手，我非常欣賞佢嘅琴師，好似人肉點歌機咁，乜歌都識彈，識唱歌嘅同佢jam番首，真係值回票價👍🏻👍🏻👍🏻今晚嘅駐場歌手係Manman同Vivi, ManMan唱咗一系列嘅經典歌，快歌慢歌都有，令到氣氛超high ！ViVi就唱唱咗唔少新歌，連好Hit嘅用背脊唱情歌都有！好好聽呀👍🏻除咗live Band，呢度嘅嘢食令到我都超有驚喜！我哋叫咗佢嘅二人set，份量十足，前菜，湯，主菜同甜品都有，而且每樣都非常高質！推介:蟹肉龍蝦湯 - 非常濃郁，蟹肉勁多，超好味👍🏻阿根廷紅蝦意粉 - 個汁蝦味十足，條條意粉都瓜汁，超香濃，西班牙紅蝦一貫鮮味，好夾👍🏻香煎比目魚配青芥末忌廉汁 - 個人最中意嘅菜式，比目魚煎都好香，外皮超脆，而且魚骨處理非常好，啖啖肉，肉質又鮮嫩，加埋個微辣嘅清l青芥末忌廉汁，簡直係絕配！👍🏻👍🏻👍🏻佢仲前
餐廳唔算好大，但係非常有情調，想兩個人靜靜地嚟聽歌又得，約幾個朋友一齊飲番幾杯，食吓晚飯，甚至上台唱歌都得！重點係呢度嘅音響非常之好，仲要每晚都有唔同嘅駐場歌手，我非常欣賞佢嘅琴師，好似人肉點歌機咁，乜歌都識彈，識唱歌嘅同佢jam番首，真係值回票價👍🏻👍🏻👍🏻
今晚嘅駐場歌手係Manman同Vivi, ManMan唱咗一系列嘅經典歌，快歌慢歌都有，令到氣氛超high ！ViVi就唱唱咗唔少新歌，連好Hit嘅用背脊唱情歌都有！好好聽呀👍🏻
除咗live Band，呢度嘅嘢食令到我都超有驚喜！我哋叫咗佢嘅二人set，份量十足，前菜，湯，主菜同甜品都有，而且每樣都非常高質！
推介:
蟹肉龍蝦湯 - 非常濃郁，蟹肉勁多，超好味👍🏻
阿根廷紅蝦意粉 - 個汁蝦味十足，條條意粉都瓜汁，超香濃，西班牙紅蝦一貫鮮味，好夾👍🏻
香煎比目魚配青芥末忌廉汁 - 個人最中意嘅菜式，比目魚煎都好香，外皮超脆，而且魚骨處理非常好，啖啖肉，肉質又鮮嫩，加埋個微辣嘅清l青芥末忌廉汁，簡直係絕配！👍🏻👍🏻👍🏻
佢仲前菜同甜品都非常好食，甜品即叫即制，尤其個心太軟，一切就爆汁，好正👍🏻👍🏻
張貼
