影片
更多
2018-10-26
35 瀏覽
今晚呢間私房菜夠哂特別，因為有得食又有得玩～玩咩？係古裝cosplay 呀😂😂一出𨋢就見到有唔同款式嘅古裝，男女裝都有，而且數量不少，人人有份唔使爭～除左服裝之外，仲有各種配件同頭飾，做工又幾精緻喎餐枱上同樣可見餐廳既心思因為套餐嘅食物唔係全部都啱食，所以就單點左幾款。首先揀咗個辣籽魚丁（$248），軟滑嘅魚肉切成粒，加入左好多紅黃燈籠椒去炒，味道唔辣，反而有彩椒既甜。鍾意食辣嘅我少不免要點一道川菜，今次就揀咗水煮牛肉（$188）。揀咗中辣，麻香辣勁兼備牛肉片牛肉味濃，煮得好嫩滑，而且份量相當多底部仲有份量唔少既闊薯粉，浸耐左入味之後，大家都爭住黎食呀醬燒牛肋條（$188），牛肋條炆煮得好腍，但醬汁味道可以更濃一點！黑醋肉排（$188），味道酸甜既肉排相當開胃，送飯之作後面其實仲有一個松露醬獅子球，掛住食到唔記得影相大大粒肉丸煮得軟腍，肥膏同埋瘦肉嘅比例完美，吸收晒醬汁嘅精華，同樣送飯一流
一出𨋢就見到有唔同款式嘅古裝，男女裝都有，而且數量不少，人人有份唔使爭～
除左服裝之外，仲有各種配件同頭飾，做工又幾精緻喎
餐枱上同樣可見餐廳既心思
因為套餐嘅食物唔係全部都啱食，所以就單點左幾款。
首先揀咗個辣籽魚丁（$248），軟滑嘅魚肉切成粒，加入左好多紅黃燈籠椒去炒，味道唔辣，反而有彩椒既甜。
鍾意食辣嘅我少不免要點一道川菜，今次就揀咗水煮牛肉（$188）。揀咗中辣，麻香辣勁兼備牛肉片牛肉味濃，煮得好嫩滑，而且份量相當多
底部仲有份量唔少既闊薯粉，浸耐左入味之後，大家都爭住黎食呀
醬燒牛肋條（$188），牛肋條炆煮得好腍，但醬汁味道可以更濃一點！
黑醋肉排（$188），味道酸甜既肉排相當開胃，送飯之作
後面其實仲有一個松露醬獅子球，掛住食到唔記得影相大大粒肉丸煮得軟腍，肥膏同埋瘦肉嘅比例完美，吸收晒醬汁嘅精華，同樣送飯一流
張貼
