燒蝦蝦 (興泰大廈) (已結業)

同朋友傾開計話最近好流行食流水蝦，佢帶我去屯門燒蝦蝦開餐，仲任飲任食2.5小時，傾下食下就夠鐘了。坐位旁邊有個小魚缸，侍應見我地入座就將一桶蝦倒入小魚缸，著我地可以在魚缸捉蝦，捉到後將蝦放入冰水雪暈，等一陣就可以燒，燒蝦蝦即燒夠晒新鮮好玩，出面位置仲有多款不同的海鮮、肉類和菜類可以任燒任食，仲有熱食區、煮麵區、多款飲品包括啤酒和汽水任飲，甜品雪糕，真係好多選擇。仲有每人兩隻熱辣辣大閘蟹，緊係食咗大閘蟹先啦，四隻都係乸，蟹仔細細都有好多蟹膏，挺不錯。除左燒烤食物有幾款調味粉之外，外面仲有蒜蓉、牛油、辣椒等等可以放上海鮮上面燒，我地整咗蒜蓉牛油帶子，味道即時提升。最好食係新鮮燒蝦、貴妃蚌、蜆，比較特別有玉子燒，自製芝士玉子燒，自己整特別好味，蔬菜類有翠玉瓜，茄子等等，最後食埋燒菠蘿，食咗一杯牛奶公司雪糕，係兒時的味道，好有回憶。