MONMONO (已結業)

本身滿心歡喜咁以為係間少高檔既餐廳嚟，一食啲野想佢快啲上晒比我走。🌚-讚下先啦，其實冇野好讚，擺盤幾靚，冇啦。🙂-一嚟就上咗個餐湯加蒜蓉包，咁你應該會以為係西湯嚟，點知嚟咗碗應該係日式湯既野，仲要勁咸，同個包又唔襯😑-我叫咗個青口，佢整到好似生蠔咁，但又唔係好味過生蠔喎，仲要腥🤮-個虎蝦蕃茄意粉，我唔識形容個味，酸酸哋，冇咩味，有陣生蕃茄水味？？？🤢-個三文魚刺生蓋飯，成個碟野同爭鮮質素有得揮，但價錢係爭鮮五倍🥱-牛肉漢堡，我覺得算係味道算好，食落唔辛苦，但個牛就似普通免治牛肉整成餅領去煎過火咁，薯條就應該番炸硬硬哋，沙律醬就點完冇味，其實唔知個醬既作用係咪整番濕條薯條等佢冇咁硬。🫠-個侍應介紹我哋食咸蛋牛角包窩夫，塊餅同我係屋企上網搵食譜整既一樣味，個包有啲硬，冇咩咸蛋味，整體嚟講好似係咁多樣野入面最好既一樣。😐-講完食物要講服務，侍應領餐具嚟就跌餐具，換餐具個陣就飛食物落地。叫侍應個陣兩個企我張枱隔離，叫咗幾次都冇人聽到。🤗-再講下餐具，佢把刀真係不太可以，領嚟搽牛油就差唔多，領嚟切佢哋既漢堡包同牛角包窩夫真係有啲辛苦。🔪-最後結論係，比咗七百幾蚊出嚟，野食唔好食，食服務又食唔到，