和味餐室

營業中

休息中

新開張，梗係要試下。茶餐廳常餐/特餐係基本，一食就知有無真功夫。我要左蕃茄濃湯豬軟骨通粉，多士跟炒蛋。蕃茄濃湯其實係加左好多茄膏，咁個湯真係幾濃蕃茄味。但個豬軟骨真係...🤢 無醃過淨水烚，好膻。而最大問題係，烚唔熟見粉紅 🤦🏻‍♀️ 咬開裏面仲係凍。頂唔順立即換，好彩都有道歉同比我換個叉燒通粉，算好食。而朋友食沙爹牛米就話好食。可能新開張人又多，手忙腳亂，未熟練，拿手唔成勢，偶有錯失，所以未煮熟都比客食。不過呢種錯對餐廳嚟講都幾致命，希望過一排會有改善同進步啦。