101台式休閒餐廳 (青衣城2)

營業中

休息中

响青衣城睇完戲已經21:00，想搵食醫肚好多餐廳仍然要排隊（好癲！）好彩G/F 食肆一般都唔駛等。晚上9點，各人飢腸轆轆，揀一人套餐就最實惠喇！一人套餐由$85~$110 不等，有小食一款，主食一款，可配肉燥飯或米粉，飲品一杯，當然可以加$轉烏冬或特飲啦！今次點咗三個套餐，所以配搭都幾多吓！小食方面，麻辣雞絲加辣後非常惹味炸花枝丸就普通街邊小食咁 鹽酥雞又係肉碎而且勁厚粉 主食方面，牛肩胛肉一般般，牛味欠奉但勝在肉質夠嫰，配菜嘅蓮藕青瓜粟米反而好好食。雞扒一樣，肉嫰但冇味嘅，一定要點住個汁至得。紅燒牛肋條最入味，可能炆嘅時間夠長，肉質軟而不散 肉燥飯 - 肉燥汁太少但味道唔錯，如果多啲汁就更好喇！肉燥米粉比肉燥飯更大碗，女士們應該食唔晒！新竹米粉口感Q彈 飲品方面，珍珠奶茶不過不失。最伏嘅係“愛文芒果汁”以為係鮮果汁，其實只係濃縮果汁溝水。真失敗！！！餐廳食品質素以西餐廳嘅講算唔錯，但千萬唔好抱住食台灣菜嘅心態，否則一定會失望。