大鍋口海鮮火鍋店

營業中

休息中

佐敦莊士倫敦廣場12樓，D出口過條馬路就到一出地鐵站就到。兩小時任飲任食 $228/位麻辣雞堡打邊爐前先食雞煲，份量唔會好多但可以refill，雞肉唔會嚡仲好入味，怕太飽的朋友，可以skip 雞煲，直接打邊爐！不過我個人覺得個雞煲值得一試。火鍋湯底有10款可以揀，我地揀左出邊任食少有的川芎天麻魚頭湯湯底，飲落完全唔腥，仲好滋補。手切牛肉每枱都會贈送一碟手切牛肉，牛肉紋理清晰，咬落唔韌，輕輕淥幾下就食得，任食黎講質素非常唔錯👍🏻。火鍋配料用點菜紙落單，齊曬各款肉類、丸類、海鮮、麵、蔬菜等等。肉類滑牛、羊肉片、雞同豬肉都有，全部都係簿切，可以試曬咁多隻肉。丸類、餃子類種類非常多，我最推薦自製韭菜餃，真係皮薄餡多！我都再encore左兩轉。而炙燒芝心丸、千島龍蝦丸、爆汁牛筋丸、魚皮餃都值得食！海鮮生猛海蝦肉質彈牙，encore左兩轉。而脆鯇魚同都唔錯👍🏻；肚仲有位可試埋鮮蝦滑同埋墨魚滑。飲品有紙包同罐裝飲品喺曬自助櫃，連自家竹蔗茅根都有丫，消滯下火岩曬。雪糕得雲呢拿同朱古力兩款味道揀，如果多啲甜品揀就好喇。