影片
更多
2020-04-25
35 瀏覽
我相信好多人都喜歡食咖哩 不過平時食開嘅 通常係港式咖喱 馬拉咖哩或者日式咖喱 今次就嚟到大坑呢度食正宗印度咖哩 呢間印度餐廳細細間入面只有五張枱 係疫情期間 只能夠做一半生意 好彩去到唔洗等位 入到餐廳職員就幫我哋量體溫同埋畀酒精搓手液我哋 食印度餐都係用手食更加有風味未點任何嘢食之前職員就送上印度脆餅同埋四款醬汁畀我哋 綠色嗰隻係薄荷味 我覺得係最辣 另外係紅辣椒黃咖哩 最深色嗰隻有啲甜甜酸酸咁 如果唔食得辣嘅朋友可以揀呢隻醬今次得兩個人食就無叫前菜 叫咗個湯 兩款咖喱同埋兩款印度烤餅 再加兩杯嘢飲野生蘑菇湯 $78湯入面好多蘑菇 好有蘑菇味 入口夠順滑 其實我哋只係點咗一碗湯 但餐廳好細心將佢分成兩碗 方便我地飲用辛辣咖哩配羊肉 $108喺餐牌上這款咖哩有兩隻辣椒 點菜嘅時候 職員好細心提醒呢款咖哩都幾辣 開頭食第一啖 真係唔覺辣 但係原來越食越辣 真係辛辣果種辣 好刺激味蕾 印式椰汁咖哩配雞肉 $98唔食得辣嘅朋友可以叫呢種咖哩 雖然唔辣但一樣好香椰汁同咖哩味 雞肉都煮得好滑蒜蓉烤餅 $32雖然話本身咖哩都好重味 烤餅都係要嚟點咖哩汁食 但係都係蒜蓉烤餅好食啲原味烤餅 $25本
呢間印度餐廳細細間入面只有五張枱 係疫情期間 只能夠做一半生意 好彩去到唔洗等位 入到餐廳職員就幫我哋量體溫同埋畀酒精搓手液我哋 食印度餐都係用手食更加有風味
未點任何嘢食之前職員就送上印度脆餅同埋四款醬汁畀我哋 綠色嗰隻係薄荷味 我覺得係最辣 另外係紅辣椒黃咖哩 最深色嗰隻有啲甜甜酸酸咁 如果唔食得辣嘅朋友可以揀呢隻醬
今次得兩個人食就無叫前菜 叫咗個湯 兩款咖喱同埋兩款印度烤餅 再加兩杯嘢飲
野生蘑菇湯 $78
湯入面好多蘑菇 好有蘑菇味 入口夠順滑 其實我哋只係點咗一碗湯 但餐廳好細心將佢分成兩碗 方便我地飲用
辛辣咖哩配羊肉 $108
喺餐牌上這款咖哩有兩隻辣椒 點菜嘅時候 職員好細心提醒呢款咖哩都幾辣 開頭食第一啖 真係唔覺辣 但係原來越食越辣 真係辛辣果種辣 好刺激味蕾
印式椰汁咖哩配雞肉 $98
唔食得辣嘅朋友可以叫呢種咖哩 雖然唔辣但一樣好香椰汁同咖哩味 雞肉都煮得好滑
蒜蓉烤餅 $32
雖然話本身咖哩都好重味 烤餅都係要嚟點咖哩汁食 但係都係蒜蓉烤餅好食啲
原味烤餅 $25
本身叫咗蒜蓉烤餅 得兩塊唔係咁夠食所以再叫多個原味烤餅 真係貪心咗 其實一份烤餅已經好夠飽
Pesi $28
Mango lassi $48
最後係飲品呀 你去印度餐廳當然係要試下特色飲品 印度芒果乳酪 飲完真係好解辣
總括嚟講 鍾意食咖哩個朋友一定要試下正宗印度咖哩 真係越食越好味 仲有好多款小食 下次再去試下先
張貼
